ශ්‍රී ලංකා පාර්ලමේන්තුවේ පළමු මන්ත්‍රී හාමුදුරුවන් බවට පත් බද්දේගම සමිත ස්වාමින්වහන්සේ අද (30) දින අපවත්වූහ.
බද්දේගම ගනේගම ශ්‍රී දුටුගැමුණු රජමහා විහාරයේ වැඩවිසූ බද්දේගම සමිත හිමියෝ මෙරට දේශපාලනයේ මං සළකුණු තැබූ යථිවරයෙකි.
කොවිඩ්-19 රෝගයේ බරපතලකම කියාපාමින් බද්දේගම සමිත හිමි ෆේස්බුක් ඔස්සේ වීඩියෝවක් මීට මාස දෙකකට පෙර බෙදාහැර තිබූ අතර, එම වීඩියෝව මගින් ද උන්වහන්සේ කොරෝනා මාරයාගේ බියකරු බව පසක් කරමින් එක් රැස්වීමෙන් වළකින ලෙස ජනතාවගෙන් ආයාචනා කළහ.
බද්දේගම සමිත හිමි පදනම ඇතුළු සංවිධාන රැසකට නායකත්වය දුන් බද්දේගම සමිත හිමි දේශපාලනයේ වෙනස්ම මතවාද පැල කරන්නට උත්සාහ දැරූ ස්වාමීන්වහන්සේ නමක් ලෙස ද ප්‍රකටය.