අංජනා මල්ලවආරච්චි
නොරොච්චෝල ගල් අගුරු බලාගාරයේ පළමු ජනක යන්ත්‍රයේ නඩත්තු කටයුතු වෙනුවෙන් එම යන්ත්‍රය මේ මස 15 වැනිදා සිට ක්‍රියා විරහිත කරන බව විදුලිබල හා බලශක්ති අමාත්‍යාංශයේ මාධ්‍ය ප්‍රකාශක සුලක්ෂණ ජයවර්ධන මහතා කීය.
මේ අතර නොරොච්චෝලේ ගල් අඟුරු බලාගාරයේ තුන්වෙනි ජනක යන්ත්‍රය ද ඊයේ සිට ක්‍රියා විරහිත කර තිබෙන අතර එහි නඩත්තු කටයුතු නිම වූ වහාම සති දෙකක පමණ කාලයකට පසුව යළි විදුලි ජනනය සඳහා යොදා ගන්නා බව ඔහු පැවසීය.
