ජාතික පොලිස් කොමිසමේ සාමාජිකයෙක් වන විශ්‍රාමික ජ්‍යෙෂ්ඨ නියෝජ්‍ය පොලිස්පති ගාමිණී සිල්වා මහතා අද අලුයම් කාලයේදී අභාවප්‍රාප්ත විය.
නාරාහේන්පිට පොලිස් රෝහලේ ප්‍රතිකාර ලබමින් සිටියදී ඒ මහතා මියගිය බව පොලිස් මූලස්ථානය සඳහන් කළේය.
දේහය මේ වන විට පුද්ගලික අවමංගල්‍ය ශාලාවක තැන්පත්කර ඇත. සවස් කාලය වන විට දේහය කඩවත සූරියපාලුව අංක 12 එච්. හී පිහිටි නිවස වෙත රැගෙන යාමට නියමිතව ඇත.
ශ්‍රී ලංකා පොලීසියේ කීර්තිමත් නිලධාරීයෙක් වන ගාමිණි සිල්වා මහතා උප පොලිස් පරීක්ෂකවරයෙක් ලෙස පොලීසියට එක්වූ නිලධාරියෙකි. මහජන ආරක්ෂක අමාත්‍යාංශයේ උපදේශකයෙක් ලෙසද කලක් ගාමිණි සිල්වා මහතා සේවය කළේය.