විදේශගතව සිට ශ්‍රී ලංකාවට පැමිණෙන ගුවන් මගීන් සඳහා පනවා තිබෙන තාවකාලික තහනම ලබන ජුනි මස 1 වනදා සිට ඉවත් කෙරෙන බව සිවිල් ගුවන් සේවා අධිකාරිය පවසයි.
ඒ අනුව ලබන ජුනි 1 වැනිදා මධ්‍යම රාත්‍රියේ සිට ක්‍රියාත්මක වන පරිදි යළි දැනුම් දෙනතෙක් මෙරටට පැමිණීමට මගීන්ට අවසර දී තිබේ.
ඒ කොන්දේසි කිහිපයකට යටත්ව ය.
- පැමිණෙන සෑම ගුවන් යානයකටම ගමන් කළ හැක්කේ උපරිම මගීන් 75 ක් පමණි.
- පසුගිය දින 14 තුළ ඉන්දියාවට (සංක්‍රමණ ඇතුළුව) සංචාරක ඉතිහාසයක් ඇති ඕනෑම මගියෙකුට පැමිණීමට අවසර නොලැබේ.
- පැමිණෙන සියලුම මගීන් සෞඛ්‍ය බලධාරීන්ගේ උපදෙස් අනුව දින 14 ක නිරෝධායන කාලයකට යටත් වේ.
