අංජනා මල්ලවආරච්චි
රට පුරා දිස්ත්‍රික් ලේකම් කාර්යාලවල සහ ප්‍රාදේශීය ලේකම් කාර්යාලවල සේවය කරන කාර්ය මණ්ඩලවලට ග්‍රාම නිලධාරීවරුන්ට සංවර්ධන නිලධාරීන්ට මීළඟ අදියරේදී කොරෝනා මර්ධන එන්නත් ලබාදීමට පියවර ගන්නා බව ස්වදේශ කටයුතු රාජ්‍ය අමාත්‍යංශයේ ලේකම් එම්.එම්. චිත්‍රානන්ද මහතා පැවසීය.
ඒ අනුව මේ වනවිට ලැබී ඇති කොවිඩ් එන්නත් තොගයෙන් ප්‍රථමයෙන්ම ග්‍රාමනිලදාරි වරුන්ට සහ ප්‍රාදේශීය ලේකම් කාර්යාලවල සේවය කරන කාර්ය මණ්ඩලවලට එන්නත් ලබාදීමට පියවර ගන්නා බවද ලේකම්වරයා කීය.
එම නිසා දැනට ග්‍රාම නිලධාරීන් ආරම්භ කර ඇති වැඩ වර්ජනය අත්හැර මහජන සේවාවන් සඳහා කාර්යක්ෂමව කැප වන ලෙස ඔවුන්ගෙන් ඉල්ලා සිටින බව ස්වදේශ කටයුතු රාජ්‍ය අමාත්‍යංශයේ ලේකම්වරයා කීය.
