මෙරට සංචාරයක් සඳහා පැමිණ සිටින 30 හැවිරිදි ජර්මන් කතකට අතවර කළ අවුරුදු 13ක් වයසැති පාසල් සිසුවෙකුව තංගල්ල පොලීසියේ නිලධාරීන් විසින් අත්අඩංගුවට ගෙන ඇත.

මෙම ජර්මන් කත කුඩාවැල්ල මෝදරවත්ත ආසන්න වෙරළ තිරයේ තනිවම ගමන්කරමින් සිටියදී මෙම සිසුවා ඇය සමඟ කුළුපගු වී අතවර කර ඇති බව පොලීසිය කියයි.

සිසුවා සුනඛයෙකු රැගෙන වෙරළේ ඇවිදිමින් සිටියදී මෙම ජර්මන් කත මුණ ගැසී ඇති බවත් ලස්සන තැනක් පෙන්වන්නට ඇතැයි කියා ඇයව වැටකෙයියා පදුරක් අතරට රැගෙන ගොස් අතවර කර ඇති බවත් පොලීසිය කියයි.

මෙම සිදුවීම පසුගිය 02 වෙනිදා සිදුව ඇති බවත් සැකකාර සිසුවා ඊයේ 03 අත්අඩංගුවටගත් බවත් පොලීසිය කියයි.

සිසුවා නාකුළුගමුව මෝදරවත්තේ පදිංචිකරුවෙකි.