සෞඛ්‍ය සේවකයින්ගේ ඥාතීන්ට එන්නත් ලබා දීමට රජය අද තීරණය කර තිබේ.
කැබිනට් මණ්ඩලයේ සම- ප්‍රකාශක රමේෂ් පතිරන මහතා අද මාධ්‍යවේදීන් අමතමින් කියා සිටියේ කොවිඩ් වෛරස් එන්නත ලබා දී ඇත්තේ වෛද්‍යවරුන්ගේ සහ හෙදියන්ගේ පවුලේ සාමාජිකයන්, ඥාතීන් සහ සමීපතම හිතවතුන්ට බවයි.
ඉදිරිපෙළ සෞඛ්‍ය සේවකයින්ගේ ඥාතීන්ට එන්නත ලබා දීමේ අවශ්‍යතාව සෞඛ්‍ය අමාත්‍ය පවිත්‍රා වන්නිආරච්චි විසින් හඳුනාගෙන ඇති බව ඔහු පැවසීය.
ඉදිරිපෙළ සෞඛ්‍ය සේවකයින්ට ඔවුන්ගේ සමීප මිතුරන් හරහා වෛරසය වැළඳීමේ අවදානමක් පවතින බැවින් මෙම තීරණය ගෙන ඇති බව ද ඔහු පැවසීය.
මහජන සෞඛ්‍ය පරීක්ෂකවරුන් (පීඑච්අයි) විසින් අද දියත් කරන ලද සංකේත වැඩ වර්ජනය පිළිබඳව ඇසූ ප්‍රශ්නයකට පිළිතුරු දෙමින් අමාත්‍ යරමේෂ් පතිරණ මහතා මේ බව ප්‍රකාශ කළේය.
මහජන සෞඛ්‍ය පරීක්ෂකවරු වැඩ වර්ජනය දියත් කිරීමට සැරසුණේ රජයේ වෛද්‍ය නිලධාරීන්ගේ සංගමය (GMOA) තම නෑදෑයින්ට සහ ඥාතීන්ට ඉතිරි ඇස්ට්‍රාසෙනෙකා එන්නත් ලබා ගත් බවට චෝදනා කරමිනි.
