Home උණුසුම් පුවත් රන් තැටියේ අතුරුදන්වීම: කතරගම දේවාලයේ මහකපුවා බාරවෙයි

රන් තැටියේ අතුරුදන්වීම: කතරගම දේවාලයේ මහකපුවා බාරවෙයි

0
රන් තැටියේ අතුරුදන්වීම: කතරගම දේවාලයේ මහකපුවා බාරවෙයි

අංගොඩ ලොක්කාගේ දරුවාගේ අපලයකට භාරයක් ලෙස කතරගම දේවාලයට පූජාකරන ලද පවුම් 38ක රන් තැටියක් අතුරුදන් වීම සම්බන්ධයෙන් අත්අඩංගුවට ගැනීමට සොයමින් සිටි කතරගම දේවාලයේ ප්‍රධාන කපු තැන සොමිපාල ටී.රත්නායක අද උදෑසන 7.30ට පමණ කොළඹ අපරාධ කොට්ඨාසයට පැමිණ භාර වී ඇත.

සිය දියණියක සහ බෑනා සමග කොළඹ අපරාධ කොට්ඨාසය හමුවට පැමිණි ඔහු අත්අඩංගුවට ගෙන පැයක පමණ කාලයක් ප්‍රශ්න කර තිබේ.

අනතුරුව ඔහු තිස්සමහාරාම අධිකරණය වෙත රැගෙන ගොස් ඇත.

පොලිසිය පවසනුයේ අවුරුදු 85ක් පමණ වන මෙම කපු මහතාට ඇවිදගැනීමට පවා අපහසු බවය.

තමා පලාගොස් සැඟව නොසිටි බවත් බෙහෙත් ගැනීම සඳහා ගොස් සිටි බවත් පොලිසියට ඔහු පවසා ඇත.

කොළඹ අපරාධ කොට්ඨාසය නිලධාරීන් පැමිණෙන විට තම නිවසේ නොසිටියේ බෙහෙත් ගැනීමට ගොස් සිටි බැවින් යැයිද ඔහු පවසා ඇත.

පසුගිය දින කිහිපය තුළ තමා සිටියේ කතරගම පිහිටි සිය නිවසේ බවද ඔහු පවසා ඇත.

LEAVE A REPLY

Please enter your comment!
Please enter your name here