2020 විශ්ව රූ රැජින ලෙස ඊයේ (16) මෙක්සිකෝව නියෝජනය කළ ඇන්ඩ්‍රියා මේසා තේරී පත්ව තිබේ.

එහි දෙවන ස්ථානය බ්‍රසිලයටත් තුන්වැනි ස්ථානය පේරු රාජ්‍යයටත් හිමිවිය.

කොරෝනා වෛරස් වසංගතය හේතුවෙන් පළමු වරට 2020 දී තරඟාවලිය අවලංගු කිරීමෙන් පසු අමෙරිකාවේ ෆ්ලොරිඩාවේදී ඊයේ රාත්‍රි විශ්ව රූ රැජිණ තරගය උත්කර්ශවත් ලෙස පැවැත්විණි.

එහි තරඟකාරියක වූ මියන්මාරය නියෝජනය කළ මියන්මාරයේ මා තුසාර් වින්ට් විශ්ව රූ රැජිණ තරඟාවලියේ ජාතික ඇඳුම් ප්‍රදර්ශනයේදී “මියන්මාරය වෙනුවෙන් යාඥා කරන්න” යන්න සටහන් වූ බැනරයක් ප්‍රදර්ශනය කළාය. ඇය තමාට හිමි වූ වේදිකාව මත සිටින කාලය පුරා තම රට තුළ සිදු වූ හමුදා කුමන්ත්‍රණය හේතුවෙන් අහිමි වන දහස් ගණනක් ජීවිත වෙනුවෙන් අවධානය දිනා ගැනීමට උත්සාහ කළා ය.කුමන්ත්‍රණ විරෝධී උද්ඝෝෂණ වලට සහභාගී වන අයුරු දැක්වෙන ඡායාරූප දැක්වෙන ඇගේ චරිතාපදානය වීඩියෝව අතරතුර ඇය මෙසේ පැවසුවාය. “මියන්මාරය ගැන කතා කරන ලෙස මම සියලු දෙනාගෙන් ඉල්ලා සිටිමි. ” ඇය හොඳම ජාතික ඇඳුම ලෙස එම තරග වටය දිනා ගත්තාය.

ෆ්ලොරිඩාවේ හොලිවුඩ් හි හාඩ් රොක් හෝටලයේ සහ කැසිනෝ ශාලාවේ පැවති මිස් යුනිවර්ස් හි 69 වන වාරයේ දී ලොව පුරා තරඟකරුවන් 70 කට වැඩි සංඛ්‍යාවක් 26 හැවිරිදි මේසා විසින් පරාජය කරන ලදී.