වසර 7කට පසු ප්‍රථම වරට නැව්ගත කිරීම් නතර කරමින්, ඔක්තෝම්බර් මාසයේ සිට මීළඟ කන්නයේ දී සීනි අපනයනය කිරීම තහනම් කිරීමට ඉන්දියාව අපේක්ෂා කරයි.
ඉන්දීය රජයේ මූලාශ්‍ර උපුටා දක්වමින් විදෙස් වාර්තා සඳහන් කරන්නේ වර්ෂාපතනය නොමැතිකම නිසා උක් අස්වැන්න අඩු වී ඇති බැවින් එරට රජය මෙම පියවර ගත් බවයි.
ඉන්දියාවේ සීනි ලෝක වෙලඳපොලට නොපැමිණීම, සීනි මිලට ගෝලීයව බලපෑමක් ඇති කළ හැකි බවට මත පළ වේ.
මෙම පියවර ගෝලීය ආහාර වෙළෙඳපොළ
තුළ තවදුරටත් උද්ධමනය පිළිබඳ භීතියද අවුලුවයි.
“අපගේ මූලික අවධානය යොමු වී ඇත්තේ දේශීය සීනි අවශ්‍යතා සපුරාලීම සහ අතිරික්ත උක් වලින් එතනෝල් නිෂ්පාදනය කිරීමයි,” ඉන්දීය රජයේ මූලාශ්‍රයක් පවසා තිබේ.
“ඉදිරි කන්නය සඳහා, අපනයන කෝටාව සඳහා වෙන් කිරීමට අපට ප්‍රමාණවත් සීනි නොමැත.” ඔහු පවසා ඇත.
පසුගිය කන්නයේ වාර්තාගත ටොන් මිලියන 11.1ක් අලෙවි කිරීමට ඉඩ දීමෙන් පසුව, සැප්තැම්බර් 30 දක්වා වත්මන් කන්නයේ දී මෝල්වලට සීනි ටොන් මිලියන 6.1ක් පමණක් අපනයනය කිරීමට ඉන්දියාව අවසර දුන්නේය.
2016 දී ඉන්දියාව විදේශීය විකුණුම් මැඩපැවැත්වීම සඳහා සීනි අපනයනය සඳහා 20% ක බද්දක් පැනවීය.
මෙවර වැසි නොලැබී ඇත්තේද, ඉන්දියාවේ මුළු සීනි නිෂ්පාදනයෙන් 50%ක් පමණ සැකසෙන ප්‍රාන්තවලට ය.
