ඇඟලුම් අපනයනය කිරීමේදී කලින් අය කළ වැට් බදු නැවත ගෙවීම රජය මගින් අතර නතර කිරීම නිසා ඇඟලුම් අපනයන ක්ෂේත්‍රයේ අර්බුද ගණනාවක් හටගෙන ඇතැයි ඒකාබද්ධ ඇඟලුම් සංසද සම්මේලනය සඳහන් කරයි.
රෙදි, නූල් ඇතුළු අමුද්‍රව්‍ය ආනයනය කිරීමේදී මෙතෙක් වැට් බදු අය කළ අතර ඒවා නිමි ඇඳුම් බවට පත්කර අපනයනය කිරීමේදී කලින් අය කළ වැට් බදු නැවත ගෙවීමට (refund) රජය කටයුතු කළ බවද ඒකාබද්ධ ඇගලුම් සංසද සම්මේලනය කියයි.
එහෙත් අපනයනයේදී වැට් බදු නැවත ගෙවීම හදිසියේම නතර කිරීම නිසා අපනයන ක්ෂේත්‍රයෙහි පසුබෑමක් ඇතිවන බවද එම තත්ත්වය ව්‍යාපාරවලට ආර්ථිකයට දැඩි බලපෑමක් එල්ල කරන බව ද ඇඟලුම් සම්මේලනය සදහන් කරයි.
