උස් ගොඩනැගිලිවල ඩෙංගු මදුරුවන් බෝවිය හැකි ස්ථාන ඩ්‍රෝන කැමරා උපයෝගී කරගනිමින් අද පරීක්ෂා කර තිබේ.
එවැනි ගොඩනැගිලිවල මදුරු කීටයන් බෝවිය හැකි වතුර රැඳී තිබෙන ස්ථාන වෙත ගුවනේ සිට ඩ්‍රෝන කැමරාව උපයෝගී කරගනිමින් BTI කැට යොදන ලද රසායනික ද්‍රව්‍ය ඉසීමද සිදු කර ඇත.
උස් ගොඩනැගිලිවලට මහජන සෞඛ්‍ය පරීක්ෂවරුන්ට ළඟාවිය නොහැකි බැවින් මෙම ක්‍රියාමාර්ගය ගෙන තිබේ.
මෙම ඩ්‍රෝන යානා දෛනිකව කොළඹ, කළුතර සහ ගම්පහ සෑම සෞඛ්‍ය වෛද්‍ය නිලධාරී කාර්යාලයක් වෙතම ලබාදීමට ද සැලසුම් කර ඇති බව බස්නාහිර පළාත් කීට විද්‍යාඥ අයේෂා සරත්චන්ද්‍ර සඳහන් කළේය.
