හෙට(20) රාත්‍රී 7ට සියලු විදුලි පහන් නිමා දමන ලෙසට මහජන අයිතීන් සුරැකීමේ ජාතික ව්‍යාපාරය රටපුරා ජනතාවගෙන් ඉල්ලීමක් කර තිබේ.
ඒ පසුගියදා සිදුකළ විදුලිබිල වැඩි කිරීමට එරෙහිව විරෝධය දැක්වීමක් ලෙසයි.
“හෙට දවස තුළ දී පස්වරු 7ට ඔබේ නිවසේ විදුලි පද්ධතිය ටිප් ස්විච්චයෙන්ම නිවන්න. විදුලි පහන්, උපකරණ භාවිතය අත්හරින්න. පද්ධතියෙන් ඉවත් වෙන්න. ඒ බලපෑම සංකේතවත්ව අපි ජනගත කරමු.” යැයි මහජන අයිතීන් සුරැකීමේ ජාතික ව්‍යාපාරයේ කැඳවුම්කරු අනුරුද්ධ සෝමතුංග මහතා කීය.
මේ අතර ඊයේත් ප්‍රදේශ කිහිපයකදි වැඩිවූ විදුලි බිල සංශෝධනය කරන්නැයි ඉල්ලමින් විරෝධතා පවත්වා තිබුණි.
