මේ වන විට පවතී. සිය පොලිස් වසමේ පදිංචිව සිටින විශේෂ පුද්ගලයින් ගොඩනැගිලි ව්‍යාපාරික ස්ථාන ආදීය සම්බන්ධයෙන් සියළුම තොරතුරු ඇතුලත් ගොනුවක් පවත්වාගෙන යාම අනිවර්ය බව පොලිස් ස්ථානාධිපතිවරුන්ට දැනුම් දෙන්නැයි පොලිස්පති සී.ඩී. වික්‍රමරත්න මහතා ජ්‍යෙෂ්ඨ පොලිස් නිලධාරීන්ට ඊයේ (04) උපදෙස් දුන්නේය.
ඒ සූම් තාක්ෂණය ඔස්සේ පොලිස් ප්‍රධානීන් සමග පැවැති විශේෂ සාකච්ඡාවකදීය. එහිදී විශේෂ අවධානයකට ලක්ව ඇත්තේ ප්‍රජා පොලිස් නව රාජ්‍ය අමාත්‍යංශය සම්බන්ධයෙනි. පොලිස්පතිවරයා පොලිස් ප්‍රධානීන්ට අවධාරණය කර ඇත්තේ ප්‍රජා පොලිස් ලෙස නව රාජ්‍ය අමාත්‍ය ධූරයක් ඇතිකරන්නේ ජනාධිපතිවරයා එම විෂය කෙරෙහි විශේෂ අවධානයක් දක්වන නිසා බවය. එබැවින් සෑම පොලිස් ස්ථානයකම එම වසමේ පදිංචිකරුවන් ගැන මෙන්ම භූමියේ සෑම තොරතුරක්ම ගොනුගතකර තබාගත යුතු බව සදහන් කර ඇත.
ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකොන් මහතා ප්‍රජා පොලිස් සංකල්පය ඉතා හොදින් කරගෙන යන නිලධාරියෙක් බව පෙන්වා දෙමින් ඔහුගෙන් අවශ්‍ය උපදෙස් ලබා ගන්නා ලෙසද පොලිස්පතිවරයා සියළුම පොලිස් ප්‍රධානීන්ට උපදෙස් දුන්නේය. තමා නුගේගොඩ සහ මාතර සේවයේ නිරතව සිටියදී දේශබන්දු තෙන්නකෝන් සමග වැඩකර ඇති බවත් ඔහු දක්ෂ ලෙස ප්‍රජා පොලිස් කටයුතු කරන ආකාරය දුටු බවත් පොලිස්පතිවරයා එහිදී සදහන් කර තිබේ. කෙසේ වෙතත් පොලිස් මූලස්ථාන තොරතුරු අනාවරණය කළේ මේ වන විට පොලිසියේ ජ්‍යෙෂ්ඨ නියෝජ්‍ය පොලිස්පතිවරයෙක් ප්‍රජා පොලිස් විෂයට වෙන්කර නොමැති බැවින් ඉදිරියේදී ප්‍රජා පොලිස් රාජ්‍ය අමාත්‍යංශයේ කටයුතු ශක්තිමත් කිරීමට ජ්‍යෙෂ්ඨ නියෝජ්‍ය පොලිස්පතිවරයෙක් නම්කරනු ඇති බවය. පොලිස්පති සී.ඩී. වික්‍රමරත්න මහතා පොලිස් ප්‍රධානීන්ගේ රැස්වීමේදී ඉගිකරනු ලැබුවේ එසේ නම්කරන නිලධාරියා ගැනදැයි පොලිස් ප්‍රධානීන් අතර කුසුකුසුවක්ද