බන්ධනාගාරවලින් ඇප ලබා නිදහස ලැබූ රැදවියන් හාරසියයත් පන්සියයත් අතර සංඛ්‍යාවක් පී.සී.ආර් පරීක්ෂණ නැතිව නිදහස් කිරීමට නොහැකිව සිටින බව බන්ධනාගාර දෙපාර්තමේන්තු ආරංචි මාර්ග සඳහන් කරයි.
මෙසේ ඇප ලබා නිදහස්වන රැදවියන්ට ඉක්මනින් පී.සී.ආර් පරීක්ෂණ කර දෙන්නැයි රාජ්‍ය අමාත්‍ය ලොහාන් රත්වත්තේ මහතා සෞඛ්‍ය ඇමතිතුමියගෙන් ඉල්ලීමක් කර තිබේ.
ඒ අනුව බන්ධනාගාර දෙපාර්තමේන්තුව සමඟ සාකච්ඡා කරමින් අදාළ කටයුතු කඩිනම් කිරීමට අද හෙටම පියවර ගන්නා බව ඇමතිනි පවිත්‍රා වන්නිආරච්චි මහත්මිය දැනටමත් දන්වා ඇත.
මෙයට සමගාමීව අගුණුකොළපැලැස්ස ඇතුළු රැදවුම් මධ්‍යස්ථාන කිහිපයක ඇතිවීමට ගිය කලහකාරී තත්ත්වයන් රාජ්‍ය අමාත්‍ය ලොහාන් රත්වත්තේ මහතා මැදිහත්වී සමතයකට පත්කර තිබිණි.
