ප්‍රවීන ගායන ශිල්පී නුවන් ගුණවර්ධන මහතා අභාවප්‍රාප්ත වී තිබේ.
අසනීප තත්ත්වයෙන් රෝහල්ගතව ප්‍රතිකාර ලබමින් සිටියදී ඔහු අද පස්වරුවේ දිවිසැරියට සමුදී ඇතැයි වාර්තා විය.
දක්ෂ ගායකයකුගේ හැකියාවෙන් ඔබ්බට ගොස් පද රචකයකු, සංගීතඥයකු ලෙස ද සිය නිසඟ හැකියා පෙන්වූ ඔහු දශක ගණනාවක් තිස්සේ ජනප්‍රිය ගීත රැසක් දායාද කර තිබේ.
කඳුළින්ම ගැයූ, කිරිමූදු වෙරළේ, පාවී ගියාවේ, සිහිල් පවනේ යන ගීත ඔහු ගැයූ විශාල සංඛ්‍යාවක ගීත අතුරින් කිහිපයක් පමණි.
නවක ගායන ශිල්පියකු, නිවේදකයෙකු, නිරූපණ ශිල්පියෙකු හා රංගන ශිල්පියෙකු වන ගයාන් ගුණවර්ධන මහතා නුවන් ගුණවර්ධන මහතාගේ පුතනුවන් ය.
පහත දැක්වෙන්නේ ඔහු එදා මෙදා තුර ගැයූ ගීතවලින් අතිශය ජනප්‍රියත්වයට පත්වූ ගීත කිහිපයකි.