අද වන විට බිඳවැටීමකට ලක් වූ නොරොච්චෝලේ පළමු ජනන යන්ත්‍රය යථා තත්ත්වයට පත් කිරීම සඳහා සති දෙකක් පමණ කාලයක් ගත විය හැකි බව ලංකා විදුලිබල මණ්ඩලය දැනුම් දෙයි.
දෙවන ජනන යන්ත්‍රයද අත්‍යවශ්‍ය නඩත්තු කටයුත්තක් සිදු කෙරෙමින් පවතින බැවින් මෙම කරුණු දෙක හේතුවෙන් ජාතික විදුලිබල පද්ධතියට අහිමිවන මෙගා වොට් ගණන 540 කි.
මේ හේතුවෙන් හෙට(16) සිට නොරොච්චෝලේ බලාගාරයේ බිඳවැටුණු ජනන යන්ත්‍රය යථා තත්ත්වයට පත්වන තෙක් රටපුරා දෛනික විදුලි සැපයුම පැය තුනක පමණ කාලයක් අත්හිටුවීමට සිදුවන බවද ලංකා විදුලිබල මණ්ඩලය ජනතාවට දැනුම් දී සිටී.
