ලෝ පුරා යළිත් උත්සන්න වී ඇති කොරෝනා වසංගත තත්ත්වය තුළ covid -19 වෛරසය නුදුරේදීම වාතය මඟින් සම්ප්‍රේෂණය වනු ඇති බවට නවතම සොයා ගැනීමකින් හෙළිවී තිබේ.
මෙම සොයා ගැනීමත් සමඟ මුඛ ආවරණ දෙකක් එකවර පැළඳීම වඩා සුදුසු බව සෞඛ්‍ය විශේෂඥයෝ අවධාරණය කරති.
අමෙරිකාවේ රෝග පාලන හා වැළැක්වීමේ මධ්‍යස්ථාන (සීඩීසී) විසින් කරන ලද අධ්‍යයනයන්ගෙන් මේ බව හෙළි වී තිබේ.
එබැවින් වාතය මුව තුලට කාන්දු නොවී හුස්ම ගැනීමට හැකිවන පරිදි මුඛ ආවරණ පැළඳිය යුතු බව ඔවුන්ගේ අදහසයි.
මෙම ක්‍රමය ‘Double masking’ ලෙස හැඳින්වේ.
රෙදි සහ සර්ජිකල් මාස්ක් (ශල්‍යකර්මවලදී පළඳින එක්වරක් භාවිත කර ඉවත දමන නිල් පැහැ ලේයරයක් සහිත මුඛ ආවරණය) යන දෙකම භාවිත කිරීමෙන් ඇතිවන ද්විත්ව ආවරණ මගින් වාතය කාන්දු වීම වළක්වා ගත හැකි නිසා වඩා ආරක්ෂිත බව විශේෂඥයෝ පෙන්වා දෙති.
දැනට බහුලව භාවිත කරන මුඛ ආවරණ අතුරින් වෛරසය පෙරීමට ලක්කරන ප්‍රතිශතය පහත පරිදි වේ.
- සර්ජිකල් මාස්ක් – 56.1%
- රෙදි මාස්ක් -51.4%
- අගින් ගැටයක් ගසන ලද සර්ජිකල් මාස්ක් -77%
- සර්ජිකල් සහ රෙදි මාස්ක් දෙකම – 85.4%
- N95 මාස්ක් – 95%
නිල් පැහැති ලේයරයක් ඇති ලේයර තුනකින් සමන්විත Surgical Mask පළඳින්නේ නම් ඒ භාවිත කිරීමේදී ආවරණය අවසන් වන තැන කනෙ හි රඳවන පටිය ගැටයක් ගැසිය යුතු බව විශේෂඥයන්ගේ උපදෙසයි.
ඔබ රෙදි මුඛ ආවරණයක් පළඳින්නේ නම් ඒ සමඟ දෙකොන ගැටගැසූ surgical මුඛ ආවරණයක් භාවිත කරන ලෙස විශේෂඥයෝ උපදෙස් දෙති.
මුඛ ආවරණ දෙකක් භාවිතා කිරීමේදී පළමුව සර්ජිකල් මාස්ක් එක පැළඳිය යුතු බවට ද උපදෙස් දී තිබේ.
Can double mask protect you from #Covid19 ?
— News18 (@CNNnews18) April 22, 2021
Here’s and experiment 👇🏻 pic.twitter.com/uEi7XjqjVN