2020 වර්ෂයට අදාළ ඡන්දහිමි නාම ලේඛනයේ කෙටුම්පත මේ වන විට දිස්ත්‍රික්ක මැතිවරණ කාර්යාලවල ප්‍රදර්ශනයට තබා ඇතැයි මැතිවරණ කොමිසම සදහන් කරයි.

දිස්ත්‍රික් මැතිවරණ කාර්යාලයෙන් හෝ www.elections.gov.lk යන මැතිවරණ කොමිසමේ නිල වෙබ් අඩවියට පිවිසීමෙන් තමන්ගේ නම ඡන්දහිමි නාමලේඛනයට ඇතුළත් වී තිබේදැයි පරික්ෂාකර ගත හැකි වන බවද මැතිවරණ කොමිසමේ උසස් නිලධාරියෙක් සදහන් කළේය.

මෙම ඡන්දහිමි නාම ලේඛනය 2021 අප්‍රේල් 30 වෙනිදා සහතික කිරිමට නියමිතව ඇති බැවින් ඊට පෙර ඡන්දහිමි නාම ලේඛනයේ තමාගේ නම ඇතුළත් ව තිබේදැයි පරික්ෂා කරන ලෙස ද එම නිලධාරියා ජනතාවගෙන් ඉල්ලීමක්ද කළේය.

ඡන්දහිමි නාම ලේඛනයේ තමාගේ නම ඇතුළත් වී නොමැති නම් ඒ පිළීබඳව ග්‍රාම නිළධාරිවරයා හෝ දිස්ත්‍රික් මැතිවරණ කාර්යාලය දැනුවත් කරන ලෙස එම නිලධාරියා වැඩිදුරටත් පැවසුවේය.