කොළඹ කොටුවේ මර්ග කිහිපයක සහ පොලිස් මූලස්ථානය ඉදිරිපිට කළහාකාරී ලෙස හැසිරෙමින් ඉකුත් 09 වෙනිදා විරෝධයක නිතර වීමක් සම්බන්ධයෙන් අධිකරණ නියෝගයකට අනුව අත්අඩංගුවට ගැනීමට සොයමින් සිටි අරගලකරුවන් 09 දෙනාගෙන් 07 දෙනෙක් මරදාන පොලිස් ස්ථානයට පැමිණ භාරවී තිබේ.
ලහිරු චතුරංග වීරසේකර, රතිඳු සේනාරත්න නොහොත් රැට්ටා, ජගත් මධුවර්ණ , ධම්මික මුණසිංහ, එරංග ගුණසේකර, රංගන ශිල්පී ජෙහාන් අප්පුහාමි සහ
රත්කරව්වේ ජිනරතන යන හිමි මෙසේ මරදාන පොලිස් ස්ථානයට පැමිණ භාරවී තිබේ.
ඒ අනුව අත්අඩංගුවට ගැනීමට එම 09 දෙනාගෙන් ඉතිරිව ඇත්තේ වසන්ත මුදලිගේ සහ ගල්වැව සිරිධම්ම හිමි පමණක් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ නිහාල් තල්දූව මහතා කීය.
මෙම පිරිස අධිකරණයට ඉදිරිපත්කරන බව පොලීසිය කියයි.
