මුතුරාජවෙල පිහිටි අක්කර 10ක ඉඩම් කොටසක් LNG බලාගාරයක් ඉදිරිකිරීමට ලංකා විදුලිබල මණ්ඩලය වෙත පවරා දීම සඳහා කැබිනට් මණ්ඩලයේ අනුමැතිය හිමිව තිබේ.
මුතුරාජවෙල පිහිටි යුගදනවි බලාගාරයට යාබද ඉඩමත් මෙසේ පවරා දෙනු ඇත.
මෙගාවොට් 300ක LNG විදුලිබලාගාරයක් ඉදි කිරීම ලංකා විදුලිබල මණ්ඩලයේ අපේක්ෂාවය.
ඒ අනුව, රජයේ තක්සේරුකරු විසින් තක්සේරු කර ඇති එකී ඉඩම් කොටසේ වෙළෙඳපොළ වටිනාකම අය කරගෙන එය ලංකා විදුලබල මණ්ඩලය වෙත බැහැර කිරීම සඳහා නාගරික සංවර්ධන හා නිවාස අමාත්‍ය ප්‍රසන්න රණතුංග මහතා ඊයේ කැබිනට් මණ්ඩලයට මෙම යෝජනාව ඉදිරිපත්කර තිබේ.