හඳුනානොගත් උණ රෝගයක් දරුවන් අතර සීඝ්‍රයෙන් පැතිර යමින් තිබෙන බව කොළඹ රිජ්වේ ආර්යා ළමා රෝහලේ විශේෂඥ වෛද්‍ය දීපාල් පෙරේරා මහතා පැවසීය.
එම උණ රෝගයට ගොදුරු වූ දරුවන් සැලකිය යුතු සංඛ්‍යාවක් මේ වනවිට රිජ්වේ ළමා රෝහලේ ප්‍රතිකාර ලබමින් සිටින බව ද වෛද්‍ය දීපාල් පෙරේරා මහතා කීය.
ඩෙංගු උණ රෝගයක් නොවන වෛරස් උණ රෝගයක් නොවන හඳුනා නොගත් මෙම උණ රෝගයෙන් දරුවන් බේරා ගන්නැයි දෙමව්පියන්ගෙන් ඉල්ලා සිටින බවද විශේෂඥ වෛද්‍යවරයා පැවසීය.
දින තුනකට වඩා වැඩි ගණනක් උණ තිබේනම් හෝ වෙනත් රෝග ලක්ෂණ ඇත්නම් හැකි ඉක්මනින් වෛද්‍යවරයකු හමු වන ලෙස දෙමාපියන්ගෙන් ඉල්ලා සිටින බවද විශේෂඥ වෛද්‍ය දීපාල් පෙරේරා මහතා කීය.