චීන විදේශ අමාත්‍යාංශ ප්‍රකාශක Zhao Lijian මහතා ශ්‍රී ලංකාවේ ණය අර්බුදය පිළිබඳව මාධ්‍යවේදීන් හමුවේ අදහස් දක්වා තිබේ. ඒ, අද(7) පැවති මාධ්‍ය හමුවක දීය.
ශ්‍රී ලංකාව දැනට මුහුණ දී සිටින දුෂ්කරතා සහ අභියෝග, චීනයට වටහා ගත හැකි බවත්, ශ්‍රී ලංකාවේ ස්ථාවර ආර්ථික හා සාමජයීය සංවර්ධනය සඳහා ඵලදායී කාර්යභාරයක් ඉටු කිරීමට චීනය කැමති බවත් Zhao Lijian මහතා එහිදී පැවසීය.
ප්‍රංශයෙන් ශ්‍රී ලංකාවට ලබාදුන් ණය පිළිබඳව සඳහන් කළ හෙතෙම, අදාළ මූල්‍ය ආයතන හා ශ්‍රී ලංකාව සමඟ සාකච්ඡා කර එය නිසි ලෙස විසඳා ගැනීමට චීනය සහාය දෙන බව ද පැවසීය.
අදාළ රටවල් හා ජාත්‍යන්තර මූල්‍ය ආයතන සමඟ එක්ව ශ්‍රී ලංකාවේ ණය බර ලිහිල් කිරීම සඳහා කටයුතු කිරීමට ද චීනය කැමැත්තෙන් සිටී.
එසේම විදේශ ආයෝජන සහ මූල්‍ය හවුල්කරුවන්ගේ නීත්‍යනුකූල අයිතිවාසිකම් සහ අවශ්‍යතා ආරක්ෂා කිරීමට මෙන්ම රටේ ආයෝජන සහ මූල්‍ය පරිසරයේ ස්ථාවරත්වය හා විශ්වසනීයත්වය ආරක්ෂා කිරීමට ද, ශ්‍රී ලංකාව උත්සාහ දරනු ඇතැයි, චීනය අපේක්ෂා කරන බව ද, Zhao Lijian මහතා එහිදී කියා සිටියේ ය.