කොළඹ රිජ්වේ ආර්යා ළමා රෝහලේ දරුවන් යොදාගනිමින් කළ පර්යේෂණයකදී ඒ අතුරින් කොටසක් මන්ද පෝෂණයෙන් පෙළෙන බවට අනාවරණය කරගත් බව ළමා රෝග විශේෂඥ වෛද්‍ය දීපාල් පෙරේරා මහතා පවසයි.
මේ සඳහා 2 වාට්ටුවේ දරුවන් 53 දෙනකු පරීක්ෂණයට ලක්කළ බවත් ඉන් 11 දෙනකු මන්දපෝෂණයටත් 4 දෙනකු තීව්‍ර මන්දපෝෂණයටත් ගොදුරු වී සිටින බව හෙතෙම අනාවරණය කළේය.
දෙමව්පියන්ගේ ආර්ථික ශක්තිය අඩුවීම හා පෝෂණය පිළිබද අවධානය අඩුවීමත් මීට හේතුව බව විශේෂඥ වෛද්‍ය දීපාල් පෙරේරා මහතා කීය.
පසුගිය කාලය තුළ දරුවන්ගේ වයසට සාපේක්ෂව බර අඩුවීමේ තත්ත්වයන් දිගින් දිගටම දැකගත හැකිවීම නිසා මෙම පර්යේෂණය කිරීමට යොමුවූ බව විශේෂඥ වෛද්‍යවරයා පැවසීය.
කුඩා දරුවන්ගේ පෝෂණය නිසි පරිදි ලබාදීමට චීස්, බටර් ආදි ආහාර ලබාදීම අවශ්‍ය නොවන අතර ඒ සඳහා කොස්, දෙල්, කොස්ඇට, ගොටුකොළ, හාල්මැස්සන්, බිත්තර, මෑකරල් ආදිය ඉතා ප්‍රමාණවත් බව විශේෂඥ වෛද්‍ය දීපාල් පෙරේරා මහතා අවධාරණය කළේය.
එමෙන්ම පලතුරුවර විටමින් ලබාදීමට දරුවන්ට මෙරට වැවෙන අඹ, රඹුටන්, වෙරළු ආදී පලතුරු ඉතාම ගුණදායක බවත් විශේෂඥ වෛද්‍යවරයා කීවේ මෙසේය.
