ජල මට්ටම ඉහළගොස් තිබෙන ජලාශ, දිය කඩිති, දිය ඇලි ආදියේ අනාරක්‍ෂිත අයුරින් දියනෑමේ සහ ජල ක්‍රීඩාවල යෙදී සිටින පුද්ගලයන් සම්බන්ධ තොරතුරු 117 ක්‍ෂණික දුරකතන ඇමතුම් අංකයට දැනුම් දෙන්නැයි ආපදා කළමනාකරණ මධ්‍යස්ථානය දැනුම්දෙයි.
ආපදා කළමනාකරණ මධ්‍යස්ථානයේ අධ්‍යක්ෂ ජනරාල් මේජර් ජෙනරාල් (විශ්‍රාමික) සුදන්ත රණසිංහ මහතා සඳහන් කරන්නේ එවැනි අවස්ථාවල මත්පැන් භාවිතා කර ජලාශ ආදියේ දියනෑම, විනෝදවන පුද්ගලයන්ට එරෙහිව නීතිය ක්‍රියාත්මක කරන බවයි.
පසුගිය වසරේ දියේ ගිලීම්වලින් සිදුවූ මරණවලින් සියයට 99 කටම හේතුව විනෝද චාරිකාවලදී මත්පැන් භාවිතා කර අනාරක්ෂිතව ජල ක්‍රීඩා කිරීම බව හෙතෙම සඳහන් කළේය.
