අන්තර්ජාලය ඔස්සේ අසත්‍ය ප්‍රචාර ගෙන යන පුද්ගලයින්ට එරෙහිව නීතිය ක්‍රියාත්මක කිරීමට හැකිවන පරිදි දණ්ඩනීති සංග්‍රහය සංශෝධනය කිරීමට රජය තීරණය කර ඇතැයි මහජන ආරක්ෂක අමාත්‍ය විශ්‍රාමික රියර් අද්මිරාල් ආචාර්ය සරත් වීරසේකර මහතා සදහන් කරයි.
එසේම ජාතීන් අතර සංහිදියාවට බලපෑම් කරන අන්තවාදයට සහ ත්‍රස්තවාදයට අනුබල දෙන ප්‍රකාශ සිදුකරන පුද්ගලයින්ට දඩුවම් ලබාදීමට සදහාද දණ්ඩනීති සංග්‍රහයේ සංශේධන සිදුවන බවද ඔහු කීය.
ඒ අනුව දැනට පවතින නීතිය ඉක්මනින්ම සංශෝධනය කිරීමට බලාපොරොත්තුවන බවද අමාත්‍යවරයා වැඩිදුරටක් සදහන් කළේය.
කොළඹ දිස්ත්‍රික්කයේ පිහිටි පොලිස් ස්ථානවල පැල 1000 සිටුවීමේ වැඩසටහනක සමාරම්භක උත්සවයයේ ප්‍රධාන ආරාධිත අමුත්තා ලෙස සහභාගිවෙමින් අද (15) සවස මුල්ලේරියාව පොලිස් ස්ථානයේදී මාධ්‍යෙව්දීන් හමුවේ ඇමතිවරයා ඒ බව සදහන් කළේය. පොලිස් ස්ථානවල පැල සිටුුවීමේ වැඩසටහන බස්නාහිර පළාත් ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ සංකල්පයකි.
