සමස්ත ලංකා ආපනශාලා හිමියන්ගේ සංගමයේ ජාතික සංවිධායක අසේල සම්පත් මහතාව ඊයේ (13) අත්අඩංගුවට ගෙන ඇත්තේ 2019 වසරේදී කොටුව අධිකරණය ඔහුට එරෙහිව නිකුත් කර තිබුණු වරෙන්තුවකට අනුව බව පොලිස් තොරතුරු අනාවරණය කළේය.

එම වරෙන්තුව නිකුත්කර තිබී ඇත්තේ කොම්පඤ්ඤවිදියේ පිහිටි පාරිභෝගික සේවා අධිකාරී කාර්යාලයට ගොස් එහි නිලධාරීන්ගේ රාජකාරී කටයුතුවලට බාධා කිරීමේ සිද්ධියක් සම්බන්ධයෙන් ඔහුට එරෙහිව ගොනුකළ නඩුවකට අදාලවය. 2019 වසරේ සිට එම වරෙන්තුව පොලීසිය ක්‍රියාත්මක කර නැත. කොම්පඤ්ඤවීදිය පොලීසියේ නිලධාරීන් වසර දෙකකට පසු එම වරෙන්තුව ඊයේ ක්‍රියාත්මක කරමින් අසේල සම්පත් මහතාව අත්අඩංගුවට ගත්තේය. අද (14) ඔහුව අධිකරණයට ඉදිරිපත් කිරීමෙන් අනතුරුව ලබන 19 දක්වා රක්ෂිත බන්ධනාගාරගතකර තිබේ.