යාපනය දෙස සිට මන්නාරම බලා ධාවනය වෙමින් තිබුණු කැබ් රථයක් ඉලුප්පකඩෙ පොලිස් ස්ථානයේ නිලධාරීන් කණ්ඩායම් මුන්රාම්පිිඩ්ඩි හීදී කළ සෝදිසියකදී වී ගෝනි අස්සේ සගවා ප්‍රවවාහනය කරමින් තිබුණු වියලි කහ තොගයක් ඊයේ (13) සවස සොයා ගෙන තිබේ.
ඉන්දියාවේ සිට මුහුදු මාර්ග ඔස්සේ නීති විරෝධිව මෙරටට රැගෙන පැමිණ ඇති එම වියලි කහ තොගය ගෝනි වලට අසුරා තිබී ඇත. වියලි කහ කිලෝ 1985 ක් එම ගෝනි තුළ බහා තිබුණු බව පොලිස් මාධ්‍ය ප්‍රකාශක නියෝජ්‍ය පොලිස්පති නීතීඥ අජිත් රෝහන මහතා සදහන් කළේය.
කැබ් රථය තුළ පුුද්ගලයින් පස් දෙනෙක් ගමන් කර ඇත. අවුරුදු 22 ත් 28 ත් අතර පසුවන්නන් වන ඒ අයද සැකපිට අත්අඩගුවට ගත් බව පොලීසිය කියයි. එම සැකකරුවන් මන්නාරමේ පදිංචිකරුවන්ය.
