අමෙරිකානු ජනාධිපති ජෝ බයිඩන් ප්‍රජාතන්ත්‍රවාදය සඳහා ඇති කැපවීම පිළිබඳව එරට රජය විසින් ශ්‍රී ලංකා රජයට දැනුම් දී තිබේ.
පසුගිය සිකුරාදා විදේශ අමාත්‍ය දිනේෂ් ගුණවර්ධන මහතා ශ්‍රී ලංකාවේ එක්සත් ජනපද තානාපති ඇලයිනා බී ටෙප්ලිට්ස් මහත්මිය සමඟ විදේශ අමාත්‍යාංශයේදී හමුවූ අවස්ථාවේදී මේ පිළිබඳව සාකච්ඡා කර ඇත.
ජෝ බයිඩන් ජනවාරි මාසයේ දී එක්සත් ජනපදයේ ජනාධිපතිවරයා ලෙස වැඩ බාරගත්තේ ය.
ඔහුගේ පරිපාලනය මානව හිමිකම් පිළිබඳ ප්‍රතිපත්තිය ඇතුළු එහි නව ප්‍රතිපත්ති ගණනාවක් අලුතින් ක්‍රියාත්මක කර තිබේ.
“තානාපති සහ විදේශ අමාත්‍යවරයා වත්මන් ගෝලීය වසංගතය සහ එක්සත් ජනපදය කොවැක්ස් කොවිඩ් එන්නට් පහසුකම සඳහා ලබා දුන් දායකත්වය, වෙළඳාම සහ ජනාධිපති බයිඩන් ප්‍රජාතන්ත්‍රවාදය සඳහා වූ කැපවීම වැනි කරුණු ගණනාවක් පිළිබඳව සාකච්ඡා කළා” යැයි එක්සත් ජනපද තානාපති ප්‍රකාශක නැන්සි වැන්හෝර්න් පවසයි.
