වැලිකඩ බන්ධනාගාරය තුළ නව කොවිඩ් පොකුරක් බිහිවෙමින් ඇතැයි බන්ධනාගාර තොරතුරු අනාවරණය කළේය.
වැලිකඩ බන්ධනාගාරය තුළ ඉකුත් 08 සහ 09 යන දින දෙකේ කරන ලද පී.සී.ආර්. පිරීක්ෂාවකින් බන්ධනාගාරය තුළ හටගෙන ඇති නව කොවිඩ් පොකුර ගැන තොරතුරු අනාවරණය වී තිබේ. කොවිඩ් 19 වෛරස ආසාධිතයන් 105 දෙනෙක් දින දෙක තුළ කෙරුණු පී.සී.ආර්. පරීක්ෂාවෙන් හදුනාගත් බව බන්ධනාගාර මාධ්‍ය ප‍්‍රකාශක, බන්ධනාගාර කොමසාරිස් (පාලන) චන්දන ඒකනායක මහතා පැවසීය.
එම ආසාදිතයන් කන්දකාඩු නිරෝධායන මධ්‍යස්ථානයට යොමු කළ බවද චන්දන ඒකනායක මහතා සදහන් කළේය.
මෙසේ නව කොවිඩ් පොකුරක් බිහිවී ඇත්තේ වැලිකඩ බන්ධනාගාරයට දෛනිකව අධිකරණ වලින් යොමු කෙරෙන සිරකරුවන්ගෙන් බව වැලිකඩ බන්ධනාගාරයේ තොරතුරු අනාවරණය කළේය. දෛනිකව මේ දිනවල සිරකරුවන් 40 ක් 550 ක් පමණ බන්ධනාගාරයට එක්වන බවත් ඒ අයව වෙනම කොටසක රදවා තබා පී.සී.ආර්. පරීක්ෂාවක්කර සෙසු සිරකරුවන් රදවා තැබෙන වාට්ටුවලට ඇතුලත් කෙරෙන බව වැලිකඩ බන්ධනාගාරයේ උසස් නිලධාරියෙක් සදහන් කළේය.
