කාතන්කුඩියේ පිහිටි ජංගම දුරකතන අලෙවි ස්ථානයක් බිද රුපියල් ලක්ෂ 25 ක් පමණ වටිනා ජංගම දුරකතන 71 ක් සොරාගත් සිව් දෙනෙක් අත්අඩංගුවට ගැනීමට පොලීසිය සමත්ව ඇත.

මෙම සොරකම සිදුව ඇත්තේ ඉකුත් 03 වෙනිදා රාත්‍රී කාලයේදීය. කාතන්කුඩිට පොලීසියට මේ සම්බන්ධයෙන් පුළුල් විමර්ශනයක් පවත්වා සැකකරුවන් අත්අඩංගුවට ගෙන ඇත්තේ ඊයේය.

අත්අඩංගුවටගත් සැකකරුවන් වයස අවුරුදු 19 ත් 50 ත් අතර පසුවන අක්කරෙයිපත්තුව සහ වරිපතන්චේන ප්‍රදේශවල පදිංචිකරුවන්ය.

සැකකරුවන් සතුව තිබී සොරාගත් ජංගම දුරකතනවලින් 23 ක් සොයාගත් බව පොලීසිය කියයි.

සැකකරුවන් අද (14) අධිකරණයට ඉදිරිපත් කිරීමට නියමිතව ඇත.