මෙරටට අලුතින් පත්වූ අමෙරිකානු තානාපතිනි ජූලි චන්ග් ඊයේ පිටකොටුවේ පිහිටි පාවෙන වෙළඳපොළ වෙත ගොස් තිබේ.
එහි වෙළෙඳ හිමියන් සමඟ කෙටි කතාබස්වලට නිරත වූ ඇය පවසන්නේ පාවෙන වෙළෙඳපොළ අපූරු අත්දැකීමක් බවයි.
එහි ව්‍යවසායකයන් පිළිබඳව මෙන්ම ඔවුන්ගේ නිෂ්පාදන ගැන දැනගැනීමට හැකිවීම සතුටක් බව ඇය කියාසිටියි.
ඇය මෙරටට ලැබූ පත්වීමෙන් පසුව සිංහල භාෂාව කතා කිරීමට ද ඉගෙන ගනිමින් සිටින්නීය.
දකුණු කොරියාවේ සියෝල්හි උපත ලද ඇය අමෙරිකාවේ වැඩිදුර අධ්‍යාපනය ලබා අමෙරිකානු පුරවැසියෙක් ලෙස එරට රජයට සේවය කරමින් සිටින්නීය.
