පොලිස් නිලධාරීන් ලෙස පෙනී සිට සෝදිසි කිරීමේ මුවාවෙන් නිවෙස්වලට ඇතුළු වී දේපොල කොල්ලකෑම්වල නිරතව සිටි පුද්ගලයින් සිව් දෙනෙක් බස්නාහිර පළාත් උතුරු දිසා අපරාධ කොට්ඨාශයේ නිලධාරීන් විසින් අත්අඩංගුවට ගෙන තිබේ.
සැකකරුවන් අවුරුදු 25ත් 50ත් අතර වයස්වල පසුවන කිරිදිවැල, වරකාපොල හා කෑගල්ල ප්‍රදේශවල පදිංචිකරුවන්ය.
ඒ එක් සැකකරුවෙක් නුගේගොඩ සහ අලුත්කඩේ අධිකරණවලින් වරෙන්තු නිකුත්කර ඇති අයෙකි.
මෙම සැකකරුවන් අත්අඩංගුවට ගැනීමට මුල්වී ඇත්තේ පූගොඩ පැපිලිවල පිහිටි නිවසකට ඇතුළු වී කළ රුපියල් ලක්ෂ හතරකට ආසන්න මුදල් හා රන්භාණ්ඩ කොල්ලකෑමක් සම්බන්ධයෙන් වූ විමර්ශනයකදීය.
මෙම කොල්ලකෑම් සදහා ගමන් කිරීමට ඔවුන් යොදාගෙන ඇත්තේ ජිප් රථයකි. එම ජිප් රථයත් අත්විලංගු ජෝඩුවක්, ගමන් කථානයක් පොලීසිය සොයාගෙන තිබේ.
සැකකරුවන් අද පූගොඩ අධිකරණයට ඉදිරිපත්කර ඇති අතර එහිදී ඔවුන් ලබන 23 වෙනිදා දක්වා රක්ෂිත බන්ධනාගාරගත කරන ලදි.
