පාස්කු ප්‍රහාරය සම්බන්ධයෙන් තමන්ව අත්අඩංගුවට ගෙන රැදවුම් නියෝගමත රදවා තැබීම වැළැක්වීමේ නියෝගයක් නිකුත් කරන්නැයි ඉල්ලා අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ විශ්‍රාමික ජ්‍යෙෂ්ඨ පොලිස් අධිකාරී ශානි අබේසේකර මහතා ඉදිරිපත් කළ මූලික අයිතිවාසිකම් පෙත්සම සළකා බැලීමේ කටයුතුවලින් ශ්‍රේෂ්ඨාධිකරණ විනිසුරු යසන්ත කෝදාගොඩ මහතා ඉවත්ව ඇත.
මෙසේ විනිසුරු යසන්ත කෝදාගොඩ මහතා ඉවත්වන්නේ එම පෙත්සම අද කැඳවූ අවස්ථාවේදීය.
ත්‍රීපුද්ගල ශ්‍රේෂ්ඨාධිකරණ විනිසුරු මඩුල්ලක් හමුවේ මෙම පෙත්සම විභාගයට කැදවූ අතර යසන්ත කෝදාගොඩ මහතා එම විනිසුරු මඩුල්ලේ සාමාජිකයෙකි.
ඒ අනුව අදාල පෙත්සම ලබන 07 වෙනිදා කැදවීමට නියමිතය.
