ලොව පළමු වතාවට ජානමය වශයෙන් වෙනස් කරන ලද ඌරෙකුගේ හදවතක් බද්ධ කළ පුද්ගලයා මිය ගොස් තිබේ.
මාරාන්තික හෘද රෝගයකින් පෙළුණු ඩේවිඩ් බෙනට් එක්සත් ජනපදයේ සිදුකළ මෙම සැත්කමෙන් පසු ජීවත් වූයේ මාස දෙකක් වැනි සුළු කාලයකි.
නමුත් දින කිහිපයකට පෙර ඔහුගේ තත්වය නරක අතට හැරෙන්නට පටන් ගත් බව බැල්ටිමෝර් හි ඔහුගේ වෛද්‍යවරු පැවසූහ.
57 හැවිරිදි ඔහු ඊයේ (8) දින මිය ගියේය.
බෙනට් මහතා ශල්‍යකර්මයට සම්බන්ධව පැවති අවදානම දැන සිටි අතර, එම ක්‍රියා පටිපාටියට පෙර එය “අඳුරේ වෙඩි තැබීමක්” බව ද පිළිගෙන තිබු බව එරට වාර්තා පවසයි.
සැත්කම සිදුකරන ලද්දේ එවැනි බද්ධ කිරීමක් සඳහා ඔහු නුසුදුසුව සිටියදී ය.
