මාළිම්බඩ අකුල ප්‍රදේශයේ වෙල්යායක ජංගම දුරකතනයකින් ඇමතුමක් ලබාගනිමින් සිටි තරුණයෙක් අකුණු සැර වැදීමකින් ඊයේ (05) සවස මියගොස් ඇත.
තිස් හතර හැවරදි වියේ පසුවන එම තරුණයා සුල්තානාගොඩ පදිංචිකරුවෙකි. ජංගම දුරකතනය කනෙහි තබාගෙන සිටියදී අකුණු සැර ඊට වැදී දුරකතනයද පිළිස්සී කැබලිවලට කැඩී ගොස් ඇතැයි පොලීසිය සදහන් කරයි.
වෙල්යායේ සිටි ගවයන් දක්කාගෙන ඒමට ගිය අවස්ථාවේදී මෙම අඅනතුරට ඔහු ලක්ව තිබේ.
අකුණු සැර වැදීම්වලින් වසරකට මෙරට ජීවිත 100 කට වැඩි ප්‍රමාණයක් අහිමිවන බව පොලිස් සංඛ්‍යා දත්ත හෙළිකරයි. ඒ සම්බන්ධයෙන් පොලිස් මාධ්‍ය ප්‍රකාශක නියෝජ්‍ය පොලිස්පති නීතීඥ අජිත් රෝහන මහතා සදහන් කළේ අකුණු සහිත කාලගුණ තත්වයන් පවතින අවස්ථාවන් වලදී ජංගම දුරකතන භාවිතයේදී වඩාත් ප්‍රවේශන් සහගත වන ලෙසය.
