ගලෙන්බිඳුණුවැව – කැකිරාව මාර්ගයේ ගෝමරන්කල්ල පාලම ආසන්නයේදී අද අළුයම සුඛෝපභෝගී ජිප් රථයක් මාර්ගයෙන් ඉවතට පැන අධිබලැති විදුලි රැහැන්කණුවකද ගැටී හුරුළු වැවේ වම් ඉවර ඇළය වැටීමෙන් සිදුවූ අනතුරකින් එහි ගමන්ගත් දෙදෙනෙක් මියගොස් ඇත.
අධික වේගය මෙම අනතුරට මුල්වී ඇති බව ගලෙන්බිදුණුවැව පොලීසිය සඳහන් කළේය.
ගලෙන්බිඳුණුවැව පදිංචිව සිටි දෙදෙනෙක් මෙසේ මිය ගොස් තිබේ. දෙදෙරුපියෙක්වන ලලිත් ප්‍රසන්න (31) සහ එක්දරු පියෙක් වන ඩීමන් සෙනෙවිරත්න (42) යන දෙමස්සිනාලා මෙසේ මරණයට පත්ව ඇත. ඔවුන් වෘත්තියෙන් ගොවියන් බව පොලීසිය සඳහන් කළේය.
අනුරාධපුරයේ පිහිටි වාහන අලෙවි සැළක හිමිකරුවෙකු වන සිය ඥාතියෙකුගේ නවසක පැවති අවමගුල් උත්සවයකට ගොස් එම ඥාතියාට අයත් වාහනයකින් ගලෙන්බිදුණු නගරයට එමින් සිටියදී මෙම අනතුර සිදුව ඇති බව පොලීසිය සඳහන් කළේය.