එක්සත් ජාතීන්ගේ හිටපු මානව හිමිකම් කොමසාරිස් සෙයිද් අල් හුසේන් කුමරු 2016 වසරේ මෙරට සංචාරකයක නිරත වෙමින් සිටියදී එක්සත් ජාතීන්ගේ කොළඹ පිහිටි ප්‍රධාන කාර්යාලය ඉදිරිපිට උද්ඝෝෂණයක් පවත්වා මහජන පීඩාවක් සිදුකළේයැයි ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ මහතා ඇතුළු 06 දෙනෙකුට එරෙහිව නඩුව ලබන 30 වෙනිදා කැදවීමට කොළඹ අතිරේක මහේස්ත්‍රාත් චන්දිම ලියනගේ මහතා අද නියෝග කළේය.
අමාත්‍ය විමල් වීරවංශ මහතා ඇතුළු ජාතික රාජ්‍ය අමාත්‍ය ජයන්ත සමරවීර, පාර්ලිමේන්තු මන්ත්‍රී මොහොමඩ් මුසම්මිල් ජාතික වීරකුමාර දිසානායක, පියසිරි විජේනායක, සහ රොජර් සෙනෙවිරත්න මහත්වරු මෙම සිදුවීමට අදාලව සිටින්නේ ඇප මතය. ඔවුහු අද අධිකරණය හමුවේ පෙනී සිටියහ.
මෙම සිද්ධියට අදාළ විත්තිකරුවන් ඇප මත සිටිමින් අධිකරණය හමුවේ පෙනී සිටි අවස්ථාවේදී මෙම නියෝගය නිකුත් විණි.
