මේවනවිට වෙළෙඳපලේ පවතින උග්‍ර ගෑස් හිඟය හේතුවෙන් බේකරි 1,000කට අධික සංඛ්‍යාවක් වසා දැමීමට සිදුව ඇතැයි සමස්ත ලංකා බේකරි හිමියන්ගේ සංගමයේ සභාපති එන්.කේ ජයවර්ධන මහතා සදහන් කරනවා.
එමෙන්ම තිරිඟු පිටි, මාගරින් හා බිත්තර මිලද ඉහළ ගොස් ඇති බැවින් බේකරි කර්මාන්තය දැඩි අවධානමකට මුහුණ දී තිබෙන බවද ඔහු පවසනවා.
නිෂ්පාදන වියදම ඉහළ යෑම සහ අමුද්‍රව්‍ය හිඟය නිසාවෙන් පාන් සහ අනෙකුත් බේකරි කෑම වර්ග නිෂ්පාදන මේ වනවිට ඉතාම අවම මට්ටමක පවතින බවද සමස්ත ලංකා බේකරි හිමියන්ගේ සංගමයේ සභාපතිවරයා වැඩිදුරටත් සඳහන් කළා.