කැබිනට් අමාත්‍ය ධුර අහිමි වූ විමල් වීරවංශ මහතා සහ උදය ගම්මන්පිල මහතා ඇතුළු ආණ්ඩුව නියෝජනය කරන පක්ෂ 11ක් අද විශේෂ සාකච්ඡාවක් පවත්වයි.
ඉන් අනතුරුව සිය ස්ථාවරයන් පැහැදිලි කිරීම උදෙසා ආණ්ඩුවේ හවුල්කාර පක්ෂවල නායකයින් පවත්වනු ලබන විශේෂ මාධ්‍ය හමුවක් ද පැවැත්වීමට නියමිතය.
ඒ සඳහා ශ්‍රී ලංකා නිදහස් පක්ෂය, ජාතික නිදහස් පෙරමුණ, ප්‍රජාතන්ත්‍රවාදී වාමාංශික පෙරමුණ, ලංකා සම සමාජ පක්ෂය, ශ්‍රී ලංකාවේ කොමියුනිස්ට් පක්ෂය, ජාතික කොංග්‍රසය, පිවිතුරු හෙළ උරුමය, ශ්‍රී ලංකා මහජන පක්ෂය, විජය ධරණී ජාතික සභාව, එක්සත් මහජන පක්ෂය, යුතුකම ජාතික සංවිධානය යන දේශපාලන පක්ෂ 11 ක පක්ෂ නායකයින් සහභාගි වේ.
එම මාධ්‍ය හමුද අද(04) පෙරවරුවේ කොළඹ 03 සිනමන් ග්‍රෑන්ඩ් හෝටලයේදී ඉහත පක්ෂ නායකයන්ගේ ප්‍රධානත්වයෙන් සිදු කෙරේ.
