නැගෙනහිර චීනයේ ෂෙජියැං පළාතේ අද උදෑසන ධීවර බෝට්ටුවක් ගිලී යාමෙන් 16 දෙනෙකු දිවි ගලවා ගෙන ඇත.

කිහිප දෙනෙකු තවමත් අතුරුදහන් වී ඇති බව පළාත් සමුද්‍රීය සෝදිසි හා ගලවා ගැනීමේ මධ්‍යස්ථානය උපුටා දක්වමින් එරට වාර්තා පවසයි.

ඉරිදා අලුයම 4: 28 ට මධ්‍යස්ථානයට වාර්තා වී ඇත්තේ අසල්වැසි ජියැන්ග්සු පළාතේ කාර්ය මණ්ඩලය 20 ක් පමණ සිටින බෝට්ටුව, ෂුජියාජියන්ට නාවික සැතපුම් 100 ක් පමණ නැගෙනහිර දෙසින්, ෂින්ජියැං හි නිංබෝ ෂූෂාන් වරායට ආසන්නයේ පෙරළී ඇති බවයි.

නාවික සෙවුම් කණ්ඩායම් සහ ඒ අසල ධීවර බෝට්ටුවලින් ගලවා ගැනීමේ යාත්‍රා සහ හෙලිකොප්ටර් යානා බේරා ගැනීමේ මෙහෙයුමට එක්වී ඇති බව බලධාරීහු පවසති.

කාර්ය මණ්ඩල සාමාජිකයින් 16 දෙනෙකු බේරාගෙන ඇති අතර ඔවුන්ගෙන් හතර දෙනෙකු සාමාන්‍ය තත්ත්වයේ පසුවූ අතර තවත් 12 දෙනෙකු අසාධ්‍ය ත්ත්වයක් පෙන්නුම් කර ඇත.

කිහිප දෙනෙකු අතුරුදහන් වී ඇති බැවින් ඔවුන් සෙවීමේ කටයුතු තවමත් සිදු වෙමින් පවතී.