අද දිනයේදී අවශ්‍ය ඉන්ධන ප්‍රමාණවත් පරිදි ලංකා විදුලි බල මණ්ඩලය වෙත ලැබෙනු ඇතැයි අපේක්ෂා කරන බැවින් ප්‍රමාණයට දැවි තෙල් සහ ඩීසල් ලද හොත් කිසිදු ප්‍රදේශයකට අද (02) විදුලි කප්පාදු නොකරන බව ලංකා විදුලිබල මණ්ඩලය පවසයි.
ලංකා විදුලිබල මණ්ඩලයට අවශ්‍ය ඉන්ධන ලබා ගැනීම සඳහා මහජන උපයෝගිීතා කොමිසම, ලංකා ඛණිජ තෙල් සංස්ථාව සමග සාකච්ඡා කරමින් සිටී.
මහජන උපයෝගීතා කොමිසමේ සභාපති ජනක රත්නායක කියා සිටියේ කිසිදු ආකාරයකින් විදුලි කප්පාදුවක් සිදු කිරීම සඳහා ලංකා විදුලිබල මණ්ඩලයට මෙතෙක් අවසර ලබා නොදෙන බවයි.
පෙර නොදන්වා ඊයේ දෙවරක්ම බොහෝ ප්‍රදේශවලට විදුලිය විසන්ධි කර තිබුණේ එවැනි පසුබිමකදීය.
