අද සවස (01) සවස 6.30ත් 9.30ත් අතර පැයකට ආසන්න කාලයක් විදුලි සැපයුමට බාධා ඇති විය හැකි බවට විදුලිබල මණ්ඩලය පවසයි.
අද දිනයෙහි ලක්විජය බලාගාරයේ අලුත් වැඩියා කරන ලද තුන්වෙනි ජනන යන්ත්‍රය යළි අක්‍රීය වීමත් සමග මෙගාවොට් 270ක් ජාතික විදුලි පද්ධතියට අහිමි වීමත් සමඟ අධික විදුලි ඉල්ලුම හේතුවෙන් විදුලි කප්පාදුවක් අපේක්ෂා කෙරේ.
කෙසේවෙතත් විදුලි කප්පාදුවකට අවසර ලබා දෙන ලෙස විදුලිබල මණ්ඩලය මහජන උපයෝගීතා කොමිෂන් සභාවෙන් අද ඉල්ලීමක් කළ ද ඊට අවසර හිමි වූයේ නැහැ.
පැය දෙකක කාලයක් දහවල් කාලයේ සහ රාත්‍රි කාලයේදී කොටස් 04 ක් ලෙසට බව විදුලිබල මණ්ඩලය උපයෝගීතා කොමිසමට දැනුම් දී තිබුණි.
මහජන උපයෝගීතා කොමිෂන් සභාව අවධාරණය කළේ තාවකාලික විසදුමක් ලෙස විදුලි කප්පාදුවක් සිදු කිරීම අවශ්‍ය නොවන බවයි.
පසුගිය 31 වනදා යථාතත්ත්වයට පත් කෙරුණු නොරච්චෝලේ බලාගාරයේ තුන්වන ජනන යන්ත්‍රය නැවතත් අක්‍රිය වී තිබේ.
එම පසුබිම හමුවේ විදුලි කප්පාදුවක් සිදු කිරීම අත්‍යවශ්‍ය බව ලංකා විදුලිබල මණ්ඩලය මහජන උපයෝගීතා කොමිෂන් සභාවට යෝජනා කර ඇත.