ඕස්ට්‍රේලියානු රජය විසින් එරටට පමණක් සුවිශේෂිත වූ කෝලා සතුන් ආරක්ෂා කිරීමට ඇමරිකානු ඩොලර් මිලියන 35ක් වැය කිරීමට තරණයක් ඇත.
ඒ අනුව ඉදිරි වසර හතරක කාලය තුලදී කෝලා සතුන්ගේ ආරක්ෂාව තහවුරු කිරීම සඳහා මෙම මුදල වැය කිරීමට නියමිත බව ඕස්ට්‍රේලියානු අග්‍රාමත්‍ය ස්කොට් මොරිසන් ප්‍රකාශ කර තිබේ.
“කෝලා සතුන් කියන්නේ ඕස්ට්‍රේලියාවට සුවිශේෂී වූ සහ ඕස්ට්‍රේලියාවේ වඩාත් ආදරය දිනාගත් සතුන් විශේෂයක්. ඒ නිසා අපි ඔවුන්ව ඉදිරියත් ආරක්ෂා කිරීමට කැපවී කටයුතු කළයුතුයි” යනුවෙන් අග්‍රමාත්‍යවරයා ප්‍රකාශකර ඇත.
මෙම මුදල් කෝලා සතුන්ගේ වාස භූමි යලි යථාතත්ත්වයට පත් කිරීමත් එම සතුන් ගහනය වර්ධනය කිරීම, ඔවුන්ගේ සෞඛ්‍ය ත්ත්වය වර්ධනය සහ යහපැවැත්ම උදේසා කරනු ලබන පර්යේෂණය සඳහා වැයකිරීමට සැලසුම්කර තිබේ.
එසේම 2018 වර්ෂයේ සිට මේවන තෙක් කෝලා සතුන් ගහනයෙන් සියයට 30ක් පමණ ලැව්ගිනි, නියග සහ වාස භූමි අහමි වීම හේතුවෙන් පහළ ගොස් ඇති බවට අනාවරණය වී ඇත.
මෙහිදී 2019 වර්ෂයේදී ඇති වූ අධික ලැව්ගිනි තත්ත්වය හේතුවෙන් කෝලා සතුන් විශාල ප්‍රමාණයක් අවාසනාවන්ත ලෙස මරණයට පත්වූ අතර එමගින් අක්කර මිලියන ගණනක් විනාශයට පත්විය.
මේ අතර අතර මැතකිදී සිට කෝලා සතුන්ගේ ලිංගාශීතව පැතිර යන රෝගයක් හේතුවෙන්ද ඔවුන්ගේ පැවැත්වමට දැඩි තර්ජනයක් එල්ලවී ඇති අතර එමගින් ඇතැම් සතුන් අන්ධභාවට පවා පත්වීමේ අවදානමක් පවතී.
කෙසේ වෙතත් මේවන විට විද්‍යාඥයින් විසින් මේ සඳහා එන්නතක් අත්හදා බලමින් යන අතර එය සාර්ථක වුවහොත් එය මෙම සතුන්ගේ ඉදිරි ආරක්ෂාවට විශාල පිටිවහලක් වනු ඇත