අංජනා මල්ලවආරච්චි
රියදුරු බලපත්‍රවල කල් ඉකුත් වීමේ දිනය තවත් මාස 6 කින් දීර්ඝ කිරීමට ප්‍රවාහන අමාත්‍යාංශය තීරණය කර තිබේ.
ඒ අනුව අප්‍රේල් මස පළමුවැනිදා සිට සැප්තැම්බර් මස 30 දක්වා කාලය තුළ දී කල් ඉකුත් වන රියදුරු බලපත්‍රවලට මෙම සහනය හිමිවේ.
එම රියදුරු බලපත්‍රවල කල්ඉකුත් වීමේ දිනයේ සිට ඉදිරියට තවත් මාස හයක් සහන කාලයක් හිමිවන බවත් ඒ අනුව මාස හයකට පසුව නැවත රියදුරු බලපත්‍රය අලුත් කිරීමේ හැකියාව තියෙන බවත් ප්‍රවාහන අමාත්‍යංශය සඳහන් කරයි කොරෝනා ව්‍යසනය හේතුවෙන් මෙම සහන කාලය හිමි වී තිබේ.