ශ්‍රී ලංකා පොදුජන පෙරමුණ සහ ශ්‍රී ලංකා නිදහස් පක්ෂය අතර පවතින විරසකය උඩු දුවමින් තිබේ. මේ තත්ත්වය තුළ හිටපු ජනාධිපති මෛත්‍රීපාල සිරිසේන මෙන්ම ඔහුගේ අනුගාමිකයන් ද ශ්‍රි ලංකා පොදුජන පෙරමුණේ ඇතැම් මෛත්‍රීවරු අතර හිත් නොහඳකම් උඩු දුවමින් තිබේ.
මෛත්‍රීපාල සිරිසේන හිටපු ජනාධිපතිවරයා පසුගිය දා පාර්ලිමේන්තුවේ දී කෙළින්ම ආණ්ඩු පක්ෂයේ මන්ත්‍රීවරුන් හා ගැටුනේය. ආණ්ඩුවට ශ්‍රීලනිපය ගාවා ගන්නට එපා යැයි මුල පටන්ම කී ප්‍රසන්න රණතුංග ඇමතිවරයා, මෙවරත් ආණ්ඩුවෙන් එළියට යන්නයි මෛත්‍රීපාල සිරිසේන ඇතුළු ශ්‍රීලනිප කණ්ඩායමට එළිපිටම කීවේය.
කෙසේ වෙතත් මෙම තත්ත්වය උත්සන්න වී මෛත්‍රීපාල සිරිසේන ආණ්ඩුවෙන් ඉවත්ව යන දිනය ළංවන බව පාර්ලිමේන්තුවේත් ඇතැම් දේශපාලන රහස් කතාවලත් පසුගියදා සාකච්ඡාවට ලක්වී තිබේ. මෙසේ ආණ්ඩුවෙන් ඉවත්ව යනවිට ශ්‍රිලනිප මන්ත්‍රීවරුන් පමණක් නොව පොහොට්ටු මන්ත්‍රීවරුන් කිහිප දෙනෙකු ද මෛත්‍රී සමඟ ආණ්ඩුවෙන් එළිය යනු ඇතැයි යන්න එම කතා බහේම කොටසකි.
මේ අතර හිටපු අගමැති රනිල් වික්‍රමසිංහ සමඟ සජබ කණ්ඩායමක් කැඩි ගොස් ගෝඨාභය රාජපක්ෂ ජනාධිපතිවරයා සමඟ එක්වන බවට ද මේ හා සමඟාමී කතා බහක් පසුගියදා කොළඹ එක්තරා තරු පංතියේ හෝටලයක රහස් කතා බහකින් එළියට පැමිණ තිබිණි.
ඒ අනුව මෛත්‍රී ගිහිං ආණ්ඩුවට රනිල් එයි දැයි කතාබහට තටු ලැබී තිබේ.
