මෙම වසරේ මෙතෙක් ගතවූ කාලය තුළ මෙරට පැමිණි සංචාරකයින් ගණන ලක්ෂය ඉක්මවා තිබේ.
නොවැම්බර් මාසය අවසන් වන විට සංචාරකයින් 41,177 ක් පැමිණීමත් සමඟ මෙම වසරේ ජනවාරි 01 වෙනිදා සිට නොවැම්බර් 30 දක්වා පැමිණි සංචාරකයින් ගණන 101,872 ක් වන බව සංචාරක සංවර්ධන අධිකාරිය සඳහන් කරයි.
ඉන්දියාව, එංගලන්තය, රුසියාව, පාකිස්තානය, ජර්මනිය, මාලදිවයින, ප්‍රංශය, ඇමරිකාව, කැනඩාව, ඕස්ටේලියාව යන රටවලින් මෙම සංචාරකයින් වැඩි වශයෙන් මෙරටට පැමිණ ඇති බවද සංචාරක සංවර්ධන අධිකාරිය පවසයි.
ජනවාරි මාසයේදී 1,682 දෙදෙනෙක්ද, පෙබරවාරි මාසයේදී 3,366 දෙදෙනෙක්ද, මාර්තු මාසයේදී 4,581 දෙදෙනෙක්ද, අප්‍රේල් මාසයේදී 4168 දෙදෙනෙක්ද, මැයි මාසයේදී 1497 දෙනෙක්ද, ජුනි මාසයේදී 1,614 දෙදෙනෙක්ද, ජූලි මාසයේදී 2,429 දෙදෙනෙක්ද, අගෝස්තු මාසයේදී 5,040 දෙදෙනෙක්ද, සැත්තැම්බර් මාසයේදී 13,547 දෙදෙනෙක්ද, ඔක්තෝබර් මාසයේදී 22,771 දෙදෙනෙක්ද වශයෙන් මෙම වසරේ සංචාරකයින්ගේ පැමිණීම වාර්තා වී තිබේ.
