වැලිකන්ද සඳුන්පිටියේ නිවසක මුළුතැන්ගෙයි සිදුවූ ගෑස් කාන්දුවක් සමඟ ඇතිවුණු පිපුරුමකින් සහ ගිනි ගැනීමකින් තුවාල ලබා ප්‍රතිකාර ලබමින් සිටි තරුණියක් ඊයේ (25) සවස මියගොස් ඇත.

මෙම අනතුර සිදුව ඇත්තේ ඉකුත් 13 වෙනිදාය.

අයේෂා කුමුදුනී නැමැති 19 වියැති තරුණියක් මෙසේ මියගොස් ඇතැයි වැලිකන්ද පොලීසිය සදහන් කරයි.

ගෑස් උදුන දැල්වීමට යාමේදී පිපුරුමක් සමඟ ගිනි ජාලාවක් මතුව ඇති බවත් එම ගින්නෙන් ඇය බරපතල තුවාල ලබා වැලිකන්ද රෝහලට ඇතුලත් කිරීමෙන් අනතුරුව කොළඹ ජාතික රෝහලට මාරුකර තිබියදී මියගොස් ඇති බව පොලීසිය සදහන් කළේය.

පොලීසිය සදහන් කරනු ලැබුවේ ගෑස් කාන්දුවක් මෙම අනතුරට හේතුව බව විමර්ශනවලින් පෙනී ගිය බවය.