තාක්ෂණ අමාත්‍යාංශය යටතේ ක්‍රියාත්මක තොරතුරු හා සන්නිවේදන තාක්ෂණ නියෝජිත ආයතනය සංවිධානය කරන නැගෙනහිර කලාපීය තාක්ෂණ දැනුම ලබාදීමේ වැඩසටහන අද දවස පුරා ශ්‍රී ලංකා අග්නිදිග විශ්ව විද්‍යාල පරිශ්‍රයේදී පැවැත්වේ.
ශ්‍රී ලංකාවේ ඩිජිටල් තාක්ෂණය පුරෝගාමී ආයතනය වන තොරතුරු හා සන්නිවේදන තාක්ෂණ නියෝජිතායතනය සංවිධානය කරන හතරවෙනි කලාපීය සමුළුව මෙය වේ.
රාජ්‍ය නිලධාරීන් විදුලි සංදේශ නිලධාරීන් සුළු හා මධ්‍ය පරිමාණ ව්‍යවසායකයින් ඇතුළු පිරිසක් එම වැඩසටහනට සහභාගි වෙති.
තාක්ෂණ අමාත්‍යාංශයේ ලේකම් ජයන්ත ද සිල්වා, තොරතුරු හා සන්නිවේදන තාක්ෂණ නියෝජිත ආයතනයේ සභාපති ඕෂධ සේනානායක, ප්‍රධාන විධායක නිලධාරි මහින්ද බී හේරත් යන මහත්වරුන් ඇතුළු පිරිසක් එම වැඩමුළුවට සහභාගි වෙති.
