ශ්‍රී ලංකා මිනින්දෝරු දෙපාර්තමේන්තුවේ නව මැනුම්පතිවරයා ලෙස ඒ. දිසානායක මහතා පත් කරනු ලැබ සිටී.
දිසානායක මහතා ශ්‍රී ලංකා මිනින්දෝරු දෙපාර්තමේන්තුවේ පනස් දෙවන මැනුම්පතිවරයා වේ.
වැලිගම ශ්‍රී සුමංගල මහා විද්‍යාලයෙන් මූලික අධ්‍යාපනය ලැබූ ඔහු රුහුණු විශ්වවිද්‍යාලයේ භෞතික විද්‍යාව උපාධිය සාර්ථකව නිම කිරීමෙන් අනතුරුව 1985 මාර්තු මස 06 වැනි දින සහකාර මිනින්දෝරු අධිකාරිවරයකු ලෙස රාජ්‍ය සේවයට එක් වී තිබේ.
1991 වසරේදී එක්සත් ජාතීන්ගේ වැඩසටහන යටතේ ශිෂ්‍යත්වයක් යටතේ ඔහායෝ විශ්වවිද්‍යාලයේ භූමිතික හා මැනුම් විද්‍යාව පිළිබඳ ශාස්ත්‍රපති විද්‍යාවේදී උපාධි උපාධිය නිම කිරීමෙන් අනතුරුව මිනින්දෝරු දෙපාර්තමේන්තුවට එක්ව කටයුතු කළේය.
පසුකාලීනව දියතලාව මැනුම් හා සිතියම්ගත කිරීමේ ආයතනයේ අධ්‍යක්ෂ ධුරයට දිසානායක මහතා හෙබවීය.
දිවයිනේ විවිධ ප්‍රදේශවල සේවය කර ඇති දිසානායක මහතා මැනුම්පති ධුරයට පත්වූයේ වසර 36ක සේවා පළපුරුද්දක් ඇවෑමෙනි.